sesonggan
1.
Abias Pasih, suksemanipun: Nenten keni antuk ngwilangin
katahpun.
2. Ada gula ada semut, suksemanipun: Anake sane sugih tur dana, madue
pabrik minyak, rika janten akeh anake rauh nunas pakaryan.
3. Ada kacang ninggal tungguana, suksemanipun: Nenten wenten anak alit wiadin
sisia, jaga ngutang sasolahan meme bapa wiadin guru
4. Ada mas slakane tan paguna, suksemanipun: sakadi anake sane polih barang
sane anyar, raris barange sane let (tua) tan kalinguang.
5. Ada andus ada apinne, suksemanipun: yening wenten orti ala wiadin
ayu, sinah wenten sane jati (pasaja), diastun ipun kidik (alit).
6. Aduk sera aji keteng, suksemanipun: upami ring desa wenten krama
desanipun adiri melaksana kaon(mamaling), raris maka desa kaucap kaon seneng
mamaling.
7. Angkabin barong sumi, suksemanipun: matakut timpal(anak) antuk sane
aeng-aeng, kewanten sejatin ipun nenten wenten punapa-punapi.
8. Anyar-anyaran gerang bangkuk, suksemanipun: sakadi anake sane ngwangun
saluiring wawangunan, ring pangawitne kewanten ipun gati(anteng), wawu asasih
kewanten sampun macet(tan kalinguang).
9. Asing nyongkok kadena meju, suksemanipun: asing-asing wenten anak ngraos
pabisik, kasengguh ngraosang dewekipun, wenten ane mamargi wengi nyalah masa
kasengguh(kadena) maling.
10.
Awak baduda
nagih madain garuda,
suksemanipun: sakadi anake sane tiwas wiadin mamacul, mamanah ipun
mamadain(nandingin) anake sane sugih wiadin anak sane mapangkat tegeh.
11.
Bangkung
kapitikan, suksemanipun:
sakadi anake sering mrekosa anak, ring arep anake akeh, ipun ngliep mapi tan
uning, yening rikala suung ipun parikosa nyagrep.
12.
Bapanne macan
panakne samong, suksemanipun:
upami bapanipunne dueg dados balian, pianakipune taler dueg ngusadanin.
13.
Bikase
mabuyung sampi, suksemanipun:
sakadi anake sane mapi-mapi kasih tur wawuh, kewanten sujatipun tan pegat ngamahin.
14.
Be nangtangin
talenan, suksemanipun:
sakadi anake sane sampun kaon maprakara, raris ipun nangtangin anake sane
menang, wiadin sakadi anake sane sampun janten iwang nangtangin sane patut.
15.
Bebek ajahin
nglangi, suksemanipun:
sakadi ngajahin(mituturin) anake sane wikan(pradnyan).
16.
Bedeg
gegantungan, suksemanipun:
sakadi anake sane ngambel pakaryan utawi dados pagawe Pamrintah, wiakti nenten
jenek, yening iwang antuka raris pagawe punika kakisidang wiadin kasuudang.
17.
Bedug
pangorengan, suksemanipun:
kaucapang ring anake sane kalintang bengkung tur sigug, nenten dados pakeling utawi ajahin.
18.
Blakas mangan
di pisaga, suksemanipun: sakadi anake
sane madrewe pianak muani siteng, tur anteng raris pun magenah ring pisaga.
19.
Berag-beragan
jaran Sumba, ikutne masih kenjir,
suksemanipun: satuara-tuaraan anake sane pecak sugih, tangkep ipune taler
kantun begak utawi matangkep suka.
20.
Bobabe nilun
kuping, suksemanipun: kaucapang ring anake sane
kalintang demit tur pripit.
